ಬರದೆ ಹೋದೆ ನೀನು, ಮರೆತು ಹೋದೆ ನೀನು

ಈ ದಿನಾ೦ತ ಸಮಯದಲಿ,
ಉಪವನ ಏಕಾ೦ತದಲಿ,
ಗೋಧೂಳಿ ಹೊನ್ನಿನಲಿ,
ಬರದೆ ಹೋದೆ ನೀನು, ಮರೆತುಹೋದೆ ನೀನು.

ನಾ ಬಿಸುಸುಯ್ಯುವ ಹ೦ಬಲವೋ,
ಶುಭ ಸಮ್ಮಿಲನದ ಕಾತುರವೋ,
ಬಾ ಇನಿಯ, ಕರೆವೆ ನೊ೦ದು,
ಬರದೆ ಹೋದೆ ನೀನು, ಮರೆತುಹೋದೆ ನೀನು..

ತನುಮನದಲಿ ನೀನೆ ನೆಲಸಿ,
ಕಣಕಣವು ನಿನ್ನ ಕನಸಿ,
ಕಣ್ಣು ಹನಿದು ಕರೆವೆ ನಿನ್ನ,
ಬರದೆ ಹೋದೆ ನೀನು, ಮರೆತು ಹೋದೆ ನೀನು..

ಇಳೆಗಿಳಿದಿದೆ ಇರುಳಾ ನೆರಳು,
ದನಿ ಕಳೆದಿದೆ ಹಕ್ಕಿಗೊರಳು,
ಶಶಿ ಮೆರೆಸಿರೆ ತೋರು ಬೆರಳು,
ಬರದೆ ಹೋದೆ ನೀನು, ಮರೆತು ಹೋದೆ ನೀನು..

ಹಗಲಿರುಳಿನ ಈ ನಿರೀಕ್ಶೆ,
ಈ ಯಾಚನೆ, ಪ್ರಣಯಭಿಕ್ಷೆ,
ಮೊರೆಯಾಲಿಸಿ ಕಳೆಯೆ ಶಿಕ್ಷೆ,
ಬರದೆ ಹೋದೆ ನೀನು, ಮರೆತು ಹೋದೆ ನೀನು..